munting katangahan

Pagdating ko sa parking kanina malapit sa gym, may nakita akong cutie patootie. Siyempre naman, nagpacutie din akey. Talaga namang todo ang ngiti ko kahit nasa loob ako ng kotse. Nag-ayos pa ako ng buhok. Tarush.

Si cutie patootie ay naghahanda ng kanyang bisikleta. Sosyal, naka-Audi ang lolo mo. So ako, "Jackpot!" Complete cyclist outfit itong si cutie patootie. Alam mo na, tight fitting cycling shorts. Dahil matagal ng natengga ang beauty ko, talaga namang todo at bonggang bongga ang pagsipat ko sa kanyang man jewels.

Medyo di naman siya uber bakat, pero carry na. Cutie pa din siya.

So dahil ang mga kagamitan ko sa opisina ay nagkalat sa aking sasakyan, naisipan ko munang tipunin ang lahat ng ito. Inilagay ko sa neutral ang kotse upang pagpahingahin ang makina from a very long drive from home to work. Paglabas ko ng sasakyan, tumambad sa aking harapan ang isa pang cyclist! Aba, kumpara kay Cutie patootie, itong cyclist na itey ay bakat na bakat. So todo sipat ulit ako.

Nagulat na lamang ako, at biglang naglaho ang aking mga pangarap nang sila'y maghalikan sa harap ko (chos!) nagtabi at naghanda na sa pag-alis. Hay nakey. Hindi kasi ako marunong magbisikleta. Sayang at di ako nakiflirty flirty. Haay.

On a side note, ang ganda ng legs ni bakat na bakat na guy. Mas maganda sa legs ko, kitang kita ang cuts!

Dahil tapos na ang moro moro at kailangan ko pang pumasok ng opisina, bumalik ako sa loob ng kotse upang patayin na finally ang makina. Ayun, pinatay ko na.

Ayaw matanggal ng susi.

Sinubukan kong ikutin at hilahin muli ang susi.

Aba, ayaw talaga.

Shet. Patay na ang makina, bakit ayaw matanggal ng susi ko?

Biglang pumasok sa aking mga isipan ang mga thoughts na itey:
"Tatawagan ko na ba ang aking ama? Shet, matulungan kaya ako non kung ang layo layo niya sa akin?"

"Best friend ko na lang kaya? Kaso baka nasa gym din."

"Aha, magpapaka ditsy damsel in distress na lang ako at magpapatulong sa unang cute na lalaki na magpark malapit sa akin!"

"Tanga, major turn off yon no."

So nagpaka independent woman at single lady ako sabay kanta ng I'm not a girl not yet a woman ni britney. Binukas-sara ko ang makina. I even muttered a short and silent prayer. Aba. To no avail.

Ayaw niya talaga.

"Iwan ko na lang kaya ang susi? Meron naman akong extra."

"Baka manakaw, tanga mo."

Ayun. Bigla kong nakita ang aking dashboard. May malaking N na nakadisplay.

Hindi pa ako naka-P (park). I left my driving stick at neutral. Tanga.